Það er gaman að segja frá svona fréttum. Þessi birtist á www.visir.is í dag 11. september 2015.

Fósturgreiningardeildin fær nýtt sónartæki

Kvenfélagið Hringurinn hefur fært fósturgreiningardeild Landspítala nýtt sónartæki til ómskoðunar fóstra og barna í móðurkviði. Þá hefur Thorvaldsensfélagið gefið nýjan ómhaus við tækið.

Í tilkynningu frá Landspítala segir að gefendunum hafi veirð sýnt tækið í notkun 4. september síðastliðinn og þakkaður hlýhugur fyrir þessar góðu gjafir.

„Sónartæknin á meðgöngu er fyrir löngu orðin hluti af greiningu og jafnvel meðferð á meðgöngu og er samofin mæðravernd, í vissum tilvikum út alla meðgönguna.

Tækninni fer sífellt fram og er nú hægt að greina ákveðin frávik frá eðlilegu ferli snemma á meðgöngu sem gerir kleift að bregðast við sérhæfðum vandamálum miklu fyrr en áður.

Með nýjum tækjum eykst skerpa og skýrleiki myndanna sem síðan eykur líkur á nákvæmari  greiningu,“ segir í tilkynningunni.

Hér má svo finna nánari upplýsingar um ómtækið sem gefið var.

http://www3.gehealthcare.co.uk/en-gb/products/categories/ultrasound/voluson/voluson_e10